Ka /hiante hian an haw lo turah ka ngai ang.
Kum 2007 daih tawh a thil thleng kha ni a, chutih lai chuan pawl 11 zirin St. Pauls' Hir. Sec. School a kan kal lai ani. Tuk khat chu kan /hian pakhat(Lalnunthara) hi pum nuam vak lo sa in school alo kal a, pumpui chakna pawh a rawn pai nghe nghe. Class /an hma chuan a pum nawm loh thu chu kei, Bena (Biaknunzira) leh Bda (Lalbiakdika) chu min hrilh a, a damdawi te pawh chu a rawn phawrh a, Bena nen kha chuan kan en liam satliah ve mai mai a.
Bd-an a rawn hmuh ve chuan in ve chu a chak ta tlat mai (damdawi hi a mum ani lo), Bena nen chuan 'in suh i pum a that kha, a chi loh ang' kan ti a, mahse a in lui ta tho a!...
Bell a rawn ri a, class chu kan /an ta a. 1st period chu pangai takin Bda pawh chu a la /hu a, 2nd period-ah pawh ala zia, class-ah pawh kan la hlim tlang hle. Short-Break a rawn ni chho a Bda pum chu a rawn nuam lo zawk ta tlat mai!!!... (A damdawi in kha kan sawifiah lawk ange, Lalnunthara kha a ek /hat theih loh avanga pum nuam lo ani a, ek nem na lampang ani.) Break a zo a class-ah kan lut leh chu Bda a insawisel /an ta, a awm a nuam ta tlat lo mai le....
Bda hi hmel ngo lampang anih avang hian, a zah deuh phei chuan a hmelah a hriat theih hle. Inkawm ho nana na chu mizia pawh kan in hriat hi. Lunch break hma in period khat kan la nei, a /hu tluan... He period chhung hian Bena nen hian class lak lai in kan nui ru char char, a chhan chu e kan /hianpa insum, inhmuam up deuh /up mai han hmuh khan a za em ani. Bena lah insum thei bik vak hek lo, Bda kan va en thin, lo inla mi tak thei bawk si; nuih hi a za tulh tulh ani ber. (Class-a attention deuha /hut ai chuan hetia han hawi kual te hi a nuam ve hrim hrim...)
Lunch break a lo hun chuan tiffin te eiin zung tur chuan kan chhuak ho ta a. Tlang chhipa kan han zun zawh chuan nidang ang tho in inchungah kei, Bena, Bda leh Makima chu ding khaw muangin chiks kan thlir vel mai mai a. Bda pum chuan /hat lam a pan thei ta hauh lo mai, Bena nen pawh chuan chiks ai mah chuan Bda confi lo lutuk hmel chuan min ti nui deuh vur vur reng a. Han nuih sawh vak chi pawh ani tawh in kan hre bik lo, a tawpa tawpah chuan 'Teacher-te toilet min lo dil pui mai teh u' hi a rawn ti tham chhalh a, Bena nen insum deuha kan nui chu khi chhuak vur vur pahin teacher te chu kan zu dil pui nghal a, Hall hnuaia Teacher-te toilet chu hmanhmawh takin a pan ta dawr dawr; minute sawm hnu velah rawn chhuakin khi vur vur pah hian "Zinga ka damdawi ei chu chi loh ngei mai" rawn ti a, kan lo nuih nasa hle.
lesson learnt: Pum /hat lai chuan pumpui chakna ei leh hi a /ul ber lo.
 |
| St.Pauls' Hir. Sec. School, Tlangnuam, Aizawl |
No comments:
Post a Comment